मस्कट, ओमान — आइसिसी टी–२० विश्वकप एसिया छनोट अन्तर्गत नेपालले आज अन्तिम चरणको खेलमा सामोआसँग प्रतिस्पर्धा गर्दैछ। खेल ओमान क्रिकेट एकेडेमी टर्फ–१ मैदानमा नेपाली समय अनुसार अपराह्न सवा ४ बजे सुरु हुनेछ।
नेपालले यसअघि नै आगामी आइसिसी टी–२० विश्वकप २०२६ का लागि आफ्नो स्थान सुनिश्चित गरिसकेको छ। अब उसले आजको खेल जित्दै प्रतियोगिताको उपाधि पनि आफ्नो नाममा लेख्ने लक्ष्य लिएको छ।
नेपालले हालसम्म सुपर सिक्सको सबै खेलमा जित दर्ता गर्दै अपराजित यात्रालाई निरन्तरता दिइरहेको छ। अर्कोतर्फ, सामोआले सुपर सिक्स चरणमा कुनै जित निकाल्न नसकेको हुँदा आजको खेल उस्का लागि प्रतिष्ठा जोगाउने अवसर हुनेछ।
कप्तान रोहित पौडेलको नेतृत्वमा नेपाली टोलीले उत्कृष्ट प्रदर्शन गर्दै आएको छ। बलरहरू सन्दीप लामिछाने, अविनाश बोहरा, र ब्याट्सम्यान दीपेन्द्रसिंह ऐरी निरन्तर प्रभावशाली देखिएका छन्। प्रशिक्षक मोंटी देसाईको रणनीतिले पनि टोलीको आत्मविश्वास बढाएको छ।
नेपालले आजको खेलमा जित हासिल गर्न सकेमा, एसिया छनोटको उपाधि आफ्नो नाममा गर्दै अपराजित रूपमा अभियान सम्पन्न गर्नेछ।
???? खेल विवरण:
प्रतियोगिता: आइसिसी टी–२० विश्वकप एसिया छनोट
प्रतिद्वन्द्वी: नेपाल vs सामोआ
स्थान: ओमान क्रिकेट एकेडेमी टर्फ–१
समय: अपराह्न ४:१५ बजे (नेपाली समय)
महत्त्व: उपाधि सुनिश्चित गर्ने निर्णायक खेल
